Outlook India-ի փոխանցմամբ՝ Հնդկաստանի Գուջարաթ նահանգի Դհանֆուլիա գյուղում առյուծը հոշոտել է դեռահաս աղջկա, որը գիշերը անտառ էր գնացել միզելու։.
Դեկտեմբերի 21-ի ուշ երեկոյան միգրանտ ընտանիքից երկու աղջիկ, որոնք աշխատում էին գյուղատնտեսությամբ, իրենց տնից դուրս եկան անտառ՝ իրենց կարիքները հոգալու։ Ճանապարհին նրանց վրա հարձակվեցին վայրի կենդանիներ։.
«Նրանց վրա հարձակվել են երկու երիտասարդ առյուծներ։ Կենդանիներից մեկը քարշ է տվել 14-ամյա զոհին և հոշոտել։ Մեր աշխատակիցը, որը մոտակայքում էր, լսել է աղմուկը և շտապել է դեպքի վայր։ Նա տեսել է առյուծներին։ Մահացածի մարմինը գտնվել է կարճ ժամանակ անց», - ասել է տեղական անտառտնտեսության վարչության պետի տեղակալ Սունիլ Բերվան։.
Երկրորդ աղջկան հաջողվեց փրկվել՝ ցատկելով ջրամբարի մեջ։.
Մահացածը նույնականացվել է որպես Բհավնա Բարիա։.
Գիշատիչներին բռնելու համար տեղական իշխանությունները վանդակներ են տեղադրել գյուղի շուրջը: Տեղի բնակիչները հայտնել են, որ վերջին մի քանի ամիսների ընթացքում մոտակայքում առյուծներ են տեսել: Գիշատիչները անասուններ էին որսում:.
Ավելի վաղ հաղորդվել էր, որ մարդակեր ընձառյուծը Հնդկաստանի Մահարաշտրա նահանգում 35 օրվա ընթացքում սպանել է 12 մարդու։ Ամբողջ ամսվա ընթացքում այն մեթոդաբար սպանել է մարդկանց յուրաքանչյուր երեք օրը մեկ։.
