Իտալիայի նախկին վարչապետը 86 տարեկան էր։.
Իտալիայի նախկին վարչապետ և «Ֆորցա Իտալիա» կուսակցության հիմնադիր Սիլվիո Բեռլուսկոնին մահացել է 86 տարեկան հասակում, հայտնում է Corriere della Sera-ն։.
Քաղաքական գործիչը մահացել է Միլանի Սան Ռաֆայելե հիվանդանոցում։.
Ապրիլին հայտարարվեց, որ Բեռլուսկոնիի մոտ ախտորոշվել է լեյկեմիա, որից հետո նա 45 օր անցկացրել է Սան Ռաֆայելե հիվանդանոցում։ Նա քիմիաթերապիա է անցել այս հիվանդության համար։ Հունիսի 9-ին նա կրկին հոսպիտալացվել է։.
Սիլվիո Բեռլուսկոնին ծնվել է 1936 թվականի սեպտեմբերի 29-ին։ 1960-ականներին նա սկսել է իր կարիերան որպես գործարար շինարարության ոլորտում, իսկ 1970-ականների վերջին ստեղծել է Եվրոպայում առաջին խոշոր առևտրային հեռուստաալիքը։ 1986-ից մինչև 2016 թվականը Բեռլուսկոնին «Միլան»-ի սեփականատերն էր։.
Բեռլուսկոնին քաղաքականություն մտավ 57 տարեկանում՝ դառնալով առաջին մուլտիմիլիարդատերը, որը գլխավորել է եվրոպական կառավարություն։ 1994 թվականին հիմնադրելով «Ֆորցա Իտալիա» կուսակցությունը, նա 60 օրվա ընթացքում հաղթեց ազգային խորհրդարանական ընտրություններում։.
Բեռլուսկոնին չորս անգամ դարձել է վարչապետ (1994, 2001, 2005 և 2008 թվականներին), սակայն 2011 թվականին հրաժարական է տվել սկանդալներից և քրեական հետապնդումից հետո։.
