Աշխարհի ամենացածրահասակ մարդը՝ նեպալցի Խագենդրա Տհապա Մագարը, մահացել է 27 տարեկան հասակում, հայտնում է Գինեսի ռեկորդների գրքի կայքը։
Նա ուներ 67.08 սանտիմետր հասակ։ Հոր խոսքով՝ ծննդյան պահին նա այնքան փոքր էր, որ «տեղավորվում էր իր ափի մեջ»։ Վերջերս նա տառապում էր սրտի և թոքերի խնդիրներից։.
2011 թվականին նա նշանակվել է Նեպալի բարի կամքի դեսպան զբոսաշրջության ոլորտում։.
Գինեսի համաշխարհային ռեկորդների գլխավոր խմբագիր Քրեյգ Գլենդեյը նշել է, որ «կյանքը կարող է մարտահրավեր լինել, երբ դու կշռում ես ընդամենը վեց կիլոգրամ և չես տեղավորվում միջին մարդու համար կառուցված աշխարհում: Բայց Խագենդրան, անշուշտ, թույլ չտվեց, որ դա խանգարի իրեն առավելագույնս օգտվել կյանքից»:.
2019 թվականի հոկտեմբերի 30-ին հաղորդվեց Աստրախանի մարզի բնակչուհի, աշխարհի ամենատարեց մարդը ճանաչված Տանզիլա Բիսեմբեևայի մահվան մասին։ Նա մահացավ 123 տարեկան հասակում։.
