ՅՈՒՆԻՍԵՖ-ը հաստատել է, որ միայն ապրիլին Ուկրաինայում սպանվել է գրեթե 100 երեխա, սակայն իրական թիվը կարող է զգալիորեն ավելի բարձր լինել, քանի որ Ռուսաստանի պատերազմը Ուկրաինայի դեմ հանգեցրել է երեխաների պաշտպանության ճգնաժամի: Այս մասին հինգշաբթի օրը ՄԱԿ-ի Անվտանգության խորհրդում հայտարարել է ՅՈՒՆԻՍԵՖ-ի գործադիր տնօրենի տեղակալ Օմար Աբդին, հաղորդում է CNN-ը:.
«ՄԱԿ-ը հաստատել է, որ միայն վերջին մեկ ամսվա ընթացքում սպանվել է մոտ 100 երեխա, և մենք կարծում ենք, որ իրական թվերը շատ ավելի բարձր են», - ասել է պաշտոնյան։.
«Ավելի շատ երեխաներ են վիրավորվել և բախվել իրենց իրավունքների լուրջ խախտումների, իսկ միլիոնավոր մարդիկ տեղահանվել են։ Ուկրաինայում պատերազմը, ինչպես բոլոր պատերազմները, երեխաների պաշտպանության և երեխաների իրավունքների ճգնաժամ է», - հավելեց նա։.
Աբդին ասաց, որ կրթության ոլորտը նույնպես տառապում է։.
«Անցյալ շաբաթ Ուկրաինայի արևելքում ՅՈՒՆԻՍԵՖ-ի կողմից աջակցվող 89 դպրոցներից առնվազն 15-ը՝ յուրաքանչյուր վեցերորդը՝ վնասվել կամ ավերվել են», - ասաց նա: Երկրով մեկ հարյուրավոր դպրոցներ վնասվել են ծանր հրետանու, ավիահարվածների և այլ զենքերի հետևանքով:.
