Կոլումբիայի իշխանությունները հաստատել են լեգենդար իսպանական «Սան Խոսե» գալեոնի հայտնաբերումը, որը բրիտանական նավատորմը խորտակել էր 1708 թվականին ժամանակակից Կոլումբիայի ափերի մոտ։.
«Դեյլի Մեյլ»-ը հաղորդում է, որ խորտակված նավը պարունակում էր գանձեր, որոնց արժեքը այսօրվա դոլարներով կազմում էր մինչև 20 միլիարդ դոլար, ինչպես նաև անձնակազմի 600 անդամ, որոնցից միայն 11-ն են կենդանի մնացել։.
Կործանված նավի բեկորները առաջին անգամ հայտնաբերվել են 2015 թվականին Կոլումբիայի ռազմածովային ուժերի կողմից, սակայն միայն հիմա են բավարար ապացույցներ հավաքվել՝ հաստատելու համար, որ դա իսկապես «Սան Խոսե» գալեոնն է։.
Հնագետ Դանիելա Վարգաս Արիզան նշել է, որ վթարի վայրի մոտակայքում հայտնաբերվել են եզակի արտեֆակտներ՝ ձեռքով հատված, անկանոն ձևի արծաթե մետաղադրամներ, որոնք հայտնի են որպես կոբ կամ մակուկինաներ : Այս մետաղադրամները Ամերիկայում օգտագործվել են ավելի քան երկու դար:
Մասնագետի խոսքով՝ մետաղադրամների վրա պատկերված է Պերուի Լիմա քաղաքի խորհրդանիշը և թվագրվում է 1707 թվականին՝ այն տարեթվով, երբ Սան Խոսեն նավարկեց։ «Այս ապացույցները հաստատում են, որ խորտակված նավը Սան Խոսե գալեոնն է», - ընդգծեց Վարգաս Արիզան։.
62 թնդանոթով գալեոնը գլխավորում էր 14 առևտրային նավերից և երեք ռազմանավերից բաղկացած նավատորմը։ Նրանք մեկնել էին Պորտոբելոյից (Պանամա) և ուղևորվում էին դեպի Եվրոպա, երբ Բարուի մոտ հանդիպեցին բրիտանական էսկադրիլիային։.
Ճակատագրական հանդիպումը տեղի ունեցավ Իսպանական ժառանգության պատերազմի ֆոնին, որի ընթացքում բրիտանացիները ամրապնդում էին իրենց ծովային գերիշխանությունը։ Հենց այդ ժամանակ էլ «Սան Խոսե»-ն խորտակվեց իր անհավանական հարստությունների հետ միասին։.
