Երկուշաբթի՝ սեպտեմբերի 26-ին, շվեդ և դանիացի սեյսմոլոգները գրանցել են հզոր ստորջրյա պայթյուններ ռուսական «Հյուսիսային հոսք 1» և «Հյուսիսային հոսք 2» գազատարների երթուղիների երկայնքով, հաղորդում է SVT-ն։.
Շվեդիայի ազգային սեյսմիկ ցանցի տվյալներով՝ պայթյուններից մեկը 2.3 մագնիտուդ ուժգնությամբ է եղել՝ համեմատելի փոքր երկրաշարժի հետ։ Դրա խոսնակ Բյորն Լունդը նշել է, որ կասկած չկա, որ դրանք պայթյուններ են եղել։.
Դրանցից առաջինը գրանցվել է ժամը 2:03-ին, երկրորդը՝ երեկոյան ժամը 19:04-ին։.
SVT-ն ստացել է գրանցված պայթյունների կոորդինատները. դրանք գտնվում են նույն տարածքում, որտեղ գրանցվել է գազի արտահոսքը։.
Լունդի խոսքով՝ սեյսմոլոգները ստացված տեղեկատվությունը փոխանցել են Շվեդիայի զինված ուժերին։.
Սեպտեմբերի 26-ին ռուսական «Հյուսիսային հոսք 1» և «Հյուսիսային հոսք 2» գազատարների չորս գծերից երեքը խափանվեցին։ Դանիական բանակը գազի արտահոսք հայտնաբերեց Բալթիկ ծովի երկու տարբեր վայրերում՝ Բորնհոլմ կղզու ափերի մոտ։.
Նախագահի աշխատակազմի ղեկավարի խորհրդական Միխայիլ Պոդոլյակը կարծում է, որ «Հյուսիսային հոսք» գազատարի վնասման հետևանքով տեղի ունեցած խոշորածավալ գազի արտահոսքը կարող էր լինել «Ռուսաստանի կողմից ծրագրված ահաբեկչական հարձակում»՝ ձմեռային շրջանից առաջ իրավիճակը անկայունացնելու համար։.
