Ռուսաստանի պաշտպանության նախարար Սերգեյ Շոյգուն որոշել է ավարտել Հարավային և Արևմտյան ռազմական շրջաններում ստուգողական աշխատանքները, քանի որ բոլոր սահմանված նպատակները ձեռք են բերվել։.
«Ես կարծում եմ, որ արտահերթ ստուգման նպատակները լիովին իրագործվել են։ Զորքերը ցույց են տվել երկրի հուսալի պաշտպանությունն ապահովելու իրենց կարողությունը։ Հետևաբար, ես որոշել եմ ավարտել Հարավային և Արևմտյան ռազմական շրջաններում ստուգման աշխատանքները», - ասել է Շոյգուն հինգշաբթի Ղրիմում՝ Հարավային ռազմական շրջանի և Օդադեսանտային ուժերի զորքերի արտահերթ ստուգման ընթացքում գործողությունների արդյունքներին նվիրված խորհրդակցության ժամանակ։.
Նախարարը հանձնարարել է Գլխավոր շտաբին, ռազմական շրջանների և օդադեսանտային ուժերի հրամանատարներին պլանավորել և ապրիլի 23-ից սկսել զորքերի վերադարձը մշտական տեղակայման կետեր, անցկացնել մանրամասն վերլուծություն և ամփոփել զորքերի անակնկալ ստուգման արդյունքները։.
Զինված ուժերի ստուգումը սկսվել է Ուկրաինայի հետ սահմանի մոտ ռուսական զորքերի կուտակման մասին հաղորդագրությունների ֆոնին։
