Ֆրանսիայի Լիոն քաղաքում ուղղափառ քահանայի վրա կրակել են, Parisien-ը :
Կրակոցները տեղի են ունեցել Լիոնի 7-րդ շրջանում՝ եկեղեցու մոտ, մոտավորապես ժամը 16:00-ին։ Քահանան եկեղեցու դռները փակելիս է եղել, երբ կրակոցներ են լսվել։.
Տուժածը հոսպիտալացվել է լյարդի հրազենային վերքերով և գտնվում է ծանր վիճակում: 52-ամյա քահանան ծագումով հույն է:.
Նախնական տեղեկությունների համաձայն՝ կրակոցը կատարվել է որսորդական հրացանով։ Հարձակվողին հաջողվել է փախչել և նրա նկատմամբ հայտարարվել է հետախուզում։.
Ազգային հակաահաբեկչական դատախազությունը գնահատում է իրավիճակը՝ նախքան հանցագործությունը որակելը։.
Լիոնում հարձակումը տեղի է ունեցել Նիսի եկեղեցու վրա հարձակումից երկու օր անց, որի հետևանքով զոհվել էր երեք մարդ: Հոկտեմբերի 16-ին պատմության ուսուցիչ Սամուել Պատին գլխատվել է Փարիզի մոտակայքում, այն բանից հետո, երբ խոսքի ազատության մասին դասի ժամանակ ցուցադրել է Մուհամմադ մարգարեի ծաղրանկարները:.
Հարձակումից հետո Ֆրանսիայի նախագահ Էմանուել Մակրոնը առաջարկեց խստացնել երկրում մզկիթների ֆինանսավորման վերահսկողությունը և ստեղծել կազմակերպություն՝ «լուսավորյալ իսլամը» խթանելու համար: Քաղաքական գործչի հայտարարությունները զանգվածային բողոքի ցույցեր առաջացրին մուսուլմանական երկրներում:.
