Արքայազն Չարլզը շաբաթ օրը կհռչակվի Չարլզ III թագավոր, հաղորդում է BBC-ն։.
Արարողությունը տեղի կունենա Լոնդոնի Սուրբ Ջեյմսի պալատում: Ինչպես ընդունված է, նոր թագավորը կկարդա հռչակագիրը և կանի իր առաջին հայտարարությունը: Արքայազն Չարլզի պաշտոնապես Չարլզ III-ի հռչակվելուց հետո Լոնդոնով մեկ կհնչեն թնդանոթային կրակոցներ՝ բրիտանական պատմության մեջ նոր թագավորական դարաշրջանի սկիզբ դնելով:.
Չարլզ III-ի թագադրումից հետո, ժամը 13:00-ից սկսած, ամբողջ երկրում ազգային սգի պատճառով իջեցված դրոշները կբարձրացվեն 24 ժամով։ Այնուհետև դրանք կրկին կիջեցվեն։.
Եղիսաբեթ II թագուհին կհուղարկավորվի Էդինբուրգի Սուրբ Ջայլսի տաճարում։.
Ըստ The Guardian-ի՝ Եղիսաբեթ II-ի համար ազգային սգո շրջանը կտևի ավելի քան երկու շաբաթ։ Բոլոր թագավորական նստավայրերը փակ կլինեն հանրության համար առնվազն մինչև հուղարկավորությունը։.
Միևնույն ժամանակ, Լոնդոնը զգուշացնում է տրանսպորտային խափանումների մասին՝ կապված հանգուցյալ թագուհուն հարգանքի տուրք մատուցելու ցանկություն ունեցող մարդկանց բազմության հետ։ Հասարակական տրանսպորտի ուշացումները զգալի կլինեն։.
