Պեսկով. Հայաստանի հարցով արտակարգ գագաթնաժողովի հարցը պետք է լուծվի ՀԱՊԿ-ի շրջանակներում։.
Կրեմլը կարծում է, որ Հավաքական անվտանգության պայմանագրի կազմակերպությունը (ՀԱՊԿ) պետք է լուծի Հայաստանի դիրքորոշման և կազմակերպությունից դուրս գալու պատրաստակամության մասին վարչապետ Նիկոլ Փաշինյանի հայտարարության շուրջ ստեղծված իրավիճակը։ Այս հարցի շուրջ արտակարգ գագաթնաժողով անցկացնելու հնարավորությունը պետք է որոշվի ՀԱՊԿ-ի շրջանակներում, URA.RU-ին ասել է Ռուսաստանի նախագահի մամուլի քարտուղար Դմիտրի Պեսկովը։.
«[Արտակարգ գագաթնաժողով անցկացնելու հարցը] պետք է որոշի ՀԱՊԿ-ը։ Իհարկե, կազմակերպության շրջանակներում դեռևս որոշակի աշխատանք է կատարվելու [Հայաստանի դիրքորոշման հետ կապված]», - նշել է Պեսկովը հեռախոսազրույցի ժամանակ։.
Ավելի վաղ ՀՀ վարչապետ Նիկոլ Փաշինյանը հայտարարել էր, որ Հայաստանը դուրս կգա ՀԱՊԿ-ից, եթե կազմակերպությունը «պատասխանի Երևանի կողմից առաջադրված հարցին». «Որտե՞ղ է գտնվում Հայաստանի ինքնիշխան տարածքը և որտե՞ղ է նրա պատասխանատվության գոտին»։ Հայաստանը նախկինում սառեցրել էր իր մասնակցությունը ՀԱՊԿ-ին։.
