Ինքնահռչակված Բելառուսի նախագահ Ալեքսանդր Լուկաշենկոն հայտարարել է, որ գնալով ավելի տարածված է դառնում այն կարծիքը, որ եթե Ռուսաստանը պարտվի Ուկրաինայում պատերազմում, ՀԱՊԿ-ը կփլուզվի։.
«Գիտեք, վերջերս լրատվամիջոցներում տարածվում է այն միտքը, որ ՀԱՊԿ-ի կյանքն ու ճակատագիրը կախված են Ռուսաստանի Դաշնության կողմից Ուկրաինայում իրականացվող գործողությունից։ Եթե Ռուսաստանը հաղթի, ՀԱՊԿ-ը կգոյատևի, եթե, Աստված մի արասցե, չհաղթի, ՀԱՊԿ-ը կդադարի գոյություն ունենալուց։ Եվ մեր երկրներում նույնպես շատ տաք գլուխներ են սկսել քննարկել այս հարցը։.
Ես զգում եմ, որ մենք միաձայն կարծիքի ենք եկել, որ եթե, Աստված մի արասցե, Ռուսաստանը փլուզվի, ապա մեր տեղը կլինի այս փլատակների տակ։.
Լուկաշենկոն նաև հավելել է, որ նման խոսակցություններ չպետք է տեղի ունենան, և որ «ՀԱՊԿ-ն գոյություն կունենա, և ոչ ոք ոչ մի տեղ չի փլուզվի»։.
Հավաքական անվտանգության պայմանագրի կազմակերպությունը (ՀԱՊԿ) ռազմաքաղաքական միջազգային կազմակերպություն է, որի անդամներն են Բելառուսը, Հայաստանը, Ղազախստանը, Ղրղզստանը, Ռուսաստանը և Տաջիկստանը։.
