Վերջին տվյալներով՝ Դոնեցկի կենտրոնում ընկած հրթիռի բեկորների հետևանքով զոհվել է 23 մարդ, առնվազն 18-ը՝ վիրավորվել։.
Ռուսաստանի պաշտպանության նախարարության տվյալներով՝ «Տոչկա-Ու» տակտիկական հրթիռային համակարգը արձակվել է Կրասնոարմեյսկի շրջանից, որը վերահսկվում է ուկրաինական զինվորականների կողմից։.
Ինքնահռչակված Դոնեցկի Ժողովրդական Հանրապետության ղեկավար Դենիս Պուշիլինի խոսքով՝ խփված հրթիռը կրում էր կասետային զինամթերքի մարտագլխիկ, ինչն էլ հանգեցրեց այդքան շատ զոհերի։.
Մինչդեռ, Դոնբասի մեկ այլ հատվածում՝ Ուկրաինայի կողմից վերահսկվող Կրամատորսկում, արկերից մեկը ընկել է բնակելի թաղամասի վրա: Քաղաքային վարչակազմի տվյալներով՝ մասնավոր տանը բռնկված հրդեհի հետևանքով մահացել են երկու տարեց մարդիկ:.
Ուկրաինական կողմի տվյալներով՝ հրետակոծության հետևանքով անջատվել է տեղական զտման կայանի էլեկտրաէներգիան, ինչի հետևանքով 10 բնակավայր մնացել է առանց ջրի։.
Մարտերը շարունակվում են նաև այլ քաղաքներում: Մասնավորապես, արկը հարվածել և գրեթե ոչնչացրել է Խարկովի կենտրոնում գտնվող չորսհարկանի բնակելի շենքը: Զոհերի կամ վիրավորների մասին դեռևս տեղեկություններ չկան:.
