Առաջին տիկնոջ աշխատակազմի ղեկավար և Սպիտակ տան նախկին մամուլի քարտուղար Ստեֆանի Գրիշամը հրաժարական է տվել Վաշինգտոնում նախագահական ընտրությունների արդյունքների վերաբերյալ բողոքի ցույցերից հետո, հաղորդում է «Կոմերսանտը»՝ հղում անելով MSNBC-ին։.
Սպիտակ տան մամուլի քարտուղարի տեղակալ Սառա Մեթյուզը և արարողակարգի քարտուղար Ռիկի Նիցետան նույնպես հրաժարական են տվել։.
«Որպես մեկը, ով ծառայել է Կոնգրեսի դահլիճներում, ես խորապես անհանգստացած էի այսօր տեսածով [...] Ես անմիջապես հրաժարական կտամ։ Մեր ժողովրդին անհրաժեշտ է իշխանության խաղաղ փոխանցում», - հեռուստաընկերությանը ասել է Մեթյուզը։.
MSNBC-ի և CNN-ի աղբյուրների համաձայն՝ ազգային անվտանգության խորհրդական Ռոբերտ Օ'Բրայենը, ազգային անվտանգության խորհրդականի տեղակալ Մեթ Փոթինգերը և տրանսպորտի նախարար Էլեյն Չաոն կարող են հրաժարական տալ։ Այս տեղեկատվությունը դեռևս հաստատված չէ։.
Հունվարի 6-ի երեկոյան Դոնալդ Թրամփի կողմնակիցները ներխուժեցին Վաշինգտոնում գտնվող ԱՄՆ Կապիտոլիումի շենք, որտեղ տեղի էր ունենում Ջո Բայդենին նախագահական հաղթանակ բերող ընտրական քվեների վավերացումը: Նիստը դադարեցվեց և վերսկսվեց միայն մի քանի ժամ անց: Բողոքի ցույցերի արդյունքում զոհվեց չորս մարդ, իսկ ձերբակալվեցին ավելի քան 50 մարդ: Ցուցարարներին ցրելու համար տեղակայվեցին լրացուցիչ ոստիկանություն և Ազգային գվարդիա: Վաշինգտոնում հայտարարվեց արտակարգ դրություն և պարետային ժամ:.
