Գերմանական անվտանգության ծառայությունները կարծում են, որ ենթադրյալ դիվերսիայի ժամանակ վնասված «Հյուսիսային հոսք» և «Հյուսիսային հոսք 2» գազատարների երեք գծերն այնքան լուրջ են վնասվել, որ այլևս երբեք պիտանի չեն լինի օգտագործման համար։.
Այս մասին գրում է գերմանական Der Tagesspiegel թերթը՝ հղում անելով Գերմանիայի կառավարության շրջանակներում առկա աղբյուրներին, հաղորդում է dw.com-ը։.
Հրատարակության համաձայն, եթե անհապաղ միջոցներ չձեռնարկվեն, խողովակների մեջ կմտնի մեծ քանակությամբ աղաջուր՝ առաջացնելով կոռոզիա։.
Ինչպես Եվրոպական հանձնաժողովը, Գերմանիայի անվտանգության գործակալությունները և Գերմանիայի դաշնային հետախուզական ծառայությունը (BND) միջադեպը համարում են դիվերսիա։ BND-ն առաջատար դեր է ստանձնել հետաքննության մեջ, այդ թվում՝ ուսումնասիրելով գազատարի պայթյուններից առաջ նավերի շարժման արբանյակային պատկերները։.
«Der Tagesspiegel»-ը, հղում անելով իր տրամադրության տակ եղած տեղեկատվությանը, հաղորդում է, որ «Nord Stream» և «Nord Stream 2» երեք խողովակաշարերը վնասվել են նպատակային պայթյուններից՝ հաշվի առնելով ճեղքերի մեծ չափերը և խողովակաշարերում ճնշման արագ կորուստը: Հետևաբար, մի տեսության համաձայն, ջրասուզակները պայթուցիկներ են տեղադրել «Nord Stream» երկու խողովակների և «Nord Stream 2» մեկ խողովակի վրա: Ավելին, երեք արտահոսքի վայրերի միջև նկատվել է զգալի հեռավորություն:.
Սեպտեմբերի 26-ի գիշերը հաղորդվել էր Գերմանիային ռուսական գազ մատակարարելու համար կառուցված «Հյուսիսային հոսք» և «Հյուսիսային հոսք 2» խողովակաշարերում խոշոր արտահոսքի մասին: Ռուսաստանը հայտարարել է, որ դեռևս անհայտ է, թե որքան ժամանակ կպահանջվի խողովակաշարերի վերականգնման համար և խորը մտահոգություն է հայտնել միջադեպի վերաբերյալ:.
