Հնդկաստանի վարչապետ Նարենդրա Մոդին Ռուսաստանի նախագահ Վլադիմիր Պուտինին ասել է, որ հիմա պատերազմի ժամանակը չէ։.
«Գիտեմ, որ այսօրվա դարաշրջանը պատերազմի դարաշրջան չէ, և մենք բազմիցս հեռախոսով խոսել ենք ձեզ հետ այն մասին, թե ինչպես են ժողովրդավարությունը, դիվանագիտությունը և երկխոսությունը կապված խաղաղության հետ… Մենք անպայման հնարավորություն կունենանք քննարկելու, թե ինչպես կարող ենք շարժվել դեպի խաղաղություն առաջիկա օրերին, և ես նաև կկարողանամ հասկանալ ձեր տեսակետը»։ — Վարչապետ Մոդի։.
CNN-ի փոխանցմամբ, Մոդիի մեկնաբանությունները հնչել են մեկ օր անց այն բանից հետո, երբ Պուտինը խոստովանեց, որ Չինաստանը նույնպես «հարցեր և մտահոգություններ» ունի ռուսական ներխուժման վերաբերյալ։.
Հիշենք. սեպտեմբերի 16-ին Շանհայի համագործակցության կազմակերպության գագաթնաժողովում տեղի ունեցած մամուլի ասուլիսում Պուտինը հայտարարեց, որ Ուկրաինայի դեմ պատերազմի պլանը «ենթարկված չէ ճշգրտման» և որ գլխավոր նպատակը այսպես կոչված «Դոնբասի ամբողջ տարածքի ազատագրումն» է։.
