Ֆրանսիայում տեղի ունեցած արտահերթ խորհրդարանական ընտրություններից հետո ձախակողմյան «Նոր ժողովրդական ճակատ» կոալիցիան հաղթանակ տարավ՝ ստանալով 182 խորհրդարանական մանդատ, հաղորդում է «Նովայա գազետա»-ն։
Գործող նախագահ Էմանուել Մակրոնի կենտրոնամետ կոալիցիան՝ «Միասին Հանրապետության համար», զբաղեցրել է երկրորդ տեղը՝ 168 մանդատով, իսկ Մարին Լե Պենի և Ջորդան Բարդելայի աջակողմյան «Ազգային միավորում» կուսակցությունը զբաղեցրել է երրորդ տեղը՝ ապահովելով խորհրդարանում 143 մանդատ, հաղորդում է DW-ն։.
Հանրապետական կուսակցության պահպանողականները ստացան 45 տեղ, իսկ մնացած տեղերը բաշխվեցին անկախների և փոքր խմբերի ներկայացուցիչների միջև: Ընտրությունների արդյունքներից հետո վարչապետ Գաբրիել Աթալը նախատեսում է հրաժարական տալ հուլիսի 8-ին:.
Ֆրանսիայի նախագահ Էմանուել Մակրոնը հունիսի 10-ին հայտարարեց խորհրդարանի ստորին պալատի լուծարման և արտահերթ ընտրությունների անցկացման մասին, այն բանից հետո, երբ Մարին Լը Պենի «Ազգային միավորումը» ջախջախիչ հաղթանակ տարավ Եվրախորհրդարանի ընտրություններում։.
