Չինական Huawei Technologies Co. ընկերությունը կկառուցի իր առաջին արտադրական օբյեկտը Եվրոպայում՝ որպես տեղակայման վայր ընտրելով Ֆրանսիայի հյուսիս-արևելքում գտնվող Բրումաթի բիզնես-պարկը։.
Ինչպես հաղորդում է Report-ը , ընկերությունը այս մասին հայտարարել է մամուլի հաղորդագրության մեջ: Գործարանում ներդրումը կկազմի 200 միլիոն եվրո՝ ստեղծելով 300 աշխատատեղ սկզբնական փուլում և 500՝ երկարաժամկետ հեռանկարում:
Ընկերությունը տարեկան 1 միլիարդ եվրո արժողությամբ բջջային ցանցային տեխնոլոգիական լուծումներ կարտադրի Huawei-ի եվրոպական հաճախորդների համար։.
Ներկայումս ընկերությունն ունի 23 հետազոտական կենտրոն, ավելի քան 100 գործընկեր համալսարան և ավելի քան 3100 մատակարար Եվրոպայում։.
Huawei-ն անցյալ տարի հայտարարեց Ֆրանսիայում իր առաջին եվրոպական գործարանը կառուցելու ծրագրերի մասին: Եվրոպան ընկերության ամենամեծ արտաքին շուկան է՝ ԱՄՆ կառավարության կողմից պատժամիջոցների ճնշման պայմաններում:.
