Ղազախստանի նախագահ Կասիմ-Ժոմարտ Տոկաևը հայտարարել է, որ հանրապետությունը կհետևի Ռուսաստանի դեմ պատժամիջոցների ռեժիմին՝ նշելով, որ այս հարցում որևէ մտահոգություն չպետք է լինի, հաղորդում է «Ինտերֆաքս»-ը։.
«Ղազախստանը հստակ հայտարարել է, որ կհետևի պատժամիջոցների ռեժիմին։ Մենք կապի մեջ ենք պատժամիջոցների ռեժիմի կիրառման համար պատասխանատու համապատասխան կազմակերպությունների հետ, և ես կարծում եմ, որ գերմանական կողմից չպետք է մտահոգություններ լինեն պատժամիջոցների ռեժիմը շրջանցելուն ուղղված հնարավոր գործողությունների վերաբերյալ», - ասաց Տոկաևը։.
Պետության ղեկավարի ելույթի տեսանյութը տարածվել է մի շարք լրատվամիջոցների կողմից սոցիալական ցանցերում։.
Ինչպես հաղորդվում է, Ղազախստանի նախագահը հինգշաբթի օրը պաշտոնական այցով ժամանել է Գերմանիա, որտեղ նա բանակցություններ կվարի Գերմանիայի իշխանությունների հետ և կմասնակցի Կենտրոնական Ասիայի և Գերմանիայի պետությունների ղեկավարների հանդիպմանը։.
Բացի այդ, այցի ծրագիրը ներառում է Տոկաևի ելույթը Բեռլինի «Գլոբալ երկխոսություն» միջազգային ֆորումում և մի շարք հանդիպումներ գերմանական բիզնես համայնքի ներկայացուցիչների հետ։.
