Իմունոլոգ Անդրեյ Պրոդեուսը կտրուկ քննադատել է Ռուս ուղղափառ եկեղեցու արքեպիսկոպոս Արտեմի Վլադիմիրովի այն հայտարարությունները, որ երեխաների մոտ աուտիզմը պայմանավորված է «ընտանեկան մեղքերով» և պատվաստումներով, հաղորդում է Gazeta.Ru-ն
Վլադիմիրովը այս տեսությունը բարձրաձայնեց իր YouTube ալիքում սեպտեմբերի 25-ին՝ պնդելով , որ երեխաների մոտ աուտիզմը մասամբ պայմանավորված է «անխտիր» պատվաստումներով և «ընտանեկան մեղքերով»։ Քահանայի խոսքերը հասարակության մեջ բուռն արձագանք առաջացրին, և տեսանյութի տակ մեկնաբանությունները շուտով անջատվեցին։
Պրոդեուսը, իր հերթին, Վլադիմիրովի պնդումները անվանեց «անհեթեթություն» և ընդգծեց, որ «պատվաստումների՝ աուտիզմին նպաստելու հարցը բժշկական աշխարհում փակ է»։ Նա մեջբերեց Դանիայում անցկացված տասնամյա լայնածավալ ուսումնասիրությունը, որը ցույց տվեց, որ չպատվաստված երեխաների մոտ աուտիզմ զարգացնելու ավելի մեծ ռիսկ կա, քան պատվաստվածների մոտ։ Իմունոլոգը նաև քննադատեց քահանային՝ աուտիզմով երեխաների ծնողներին մեղադրելու փորձի համար՝ նշելով, որ շատ ընտանիքներ արդար կյանքով են ապրում և չեն արժանի նման մեղադրանքների։.
Քահանա Արտեմի Վլադիմիրովը նախկինում էլ է հակասական հայտարարություններ արել։ Նախկինում նա պնդում էր, որ վերակենդանացրել է Ուկրաինայում հատուկ գործողության չինացի մասնակցի, որը, ըստ նրա, հետագայում պարզվել է, որ վիրավոր յակուտ է։.
