Ուկրաինայի նախագահ Վլադիմիր Զելենսկին մարտի 24-ին տեսակոնֆերանսի միջոցով կմասնակցի ՆԱՏՕ-ի գագաթնաժողովին։ Այս մասին հայտնել է նախագահի մամուլի քարտուղար Սերգեյ Նիկիֆորովը։.
«Ուկրաինան ակտիվորեն կմասնակցի։ Մենք դեռ որոշում ենք, թե դա կոնկրետ ինչ կլինի։ Առնվազն դա կլինի նախագահի ուղերձ, առավելագույնը՝ լիարժեք մասնակցություն, բնականաբար, տեսակոնֆերանսի միջոցով։ Մասնակցության ձևաչափը կհայտարարվի առաջիկա օրերին», - ասաց Նիկիֆորովը հեռուստամարաթոնի ժամանակ։.
Նիկիֆորովը նշել է, որ Զելենսկին գագաթնաժողովում կխոսի Ռուսաստանի կողմից Ուկրաինայի բնակչության և քաղաքացիական ենթակառուցվածքների դեմ ռազմական հանցագործությունների դադարեցման անհրաժեշտության մասին։
«Դա կարելի է անել մի քանի եղանակով՝ փակել երկինքը, Ուկրաինային տրամադրել հզոր ՀՕՊ համակարգեր և ավիացիա»։.
