Ուսումնասիրությունները ցույց են տվել, որ ավելորդ քաշը և մարմնում լիպիդների մեծ քանակությունը հեշտացնում են չարորակ բջիջների աճը և հարմարվելը։.
Գոյություն ունեցող տվյալների համաձայն, քաղցկեղը առաջանում է գենետիկ փոփոխություններից, որոնք խաթարում են բջիջների բնականոն աճը: Հետազոտությունները ցույց են տվել, որ ճարպակալումը մեծացնում է քաղցկեղի զարգացման ռիսկը: Այժմ գիտնականները բացահայտել են դրա հիմնական պատճառը:.
Բերգենի համալսարանի հետազոտողները պարզել են, որ ճարպակալման հետ կապված լիպիդները չարորակ բջիջները դարձնում են ավելի ագրեսիվ և հակված ուռուցքի առաջացմանը: Ըստ Nature Communications ամսագրի՝ ճարպակալումը մարմնում ստեղծում է միջավայր, որը խթանում է քաղցկեղի բջիջների հարմարվողականությունը:.
Հետազոտության հեղինակների խոսքով՝ նույնիսկ գենային մուտացիաների բացակայության դեպքում ավելորդ քաշը զգալիորեն մեծացնում է օրգանիզմում ուռուցքների զարգացման ռիսկը։.
Վիճակագրության համաձայն՝ ամեն տարի ճարպակալման պատճառով գրանցվում է քաղցկեղի մոտ 500,000 նոր դեպք։ Գիտնականները կարծում են, որ այս գործընթացի ըմբռնումը կհանգեցնի բուժման նոր մեթոդների մշակմանը։.
