Կինը խոստովանում է, որ իրեն հաճախ քննադատում են, բայց նշում է, որ ինքն ունի գեղեցկության իր ուրույն ընկալումը։.
25-ամյա Անդրեա Իվանովան, ով համարվում է աշխարհի ամենամեծ շուրթերի տերը՝ այժմ որոշել է փոխել նաև այտոսկրերը։.
Այս մասին գրում է www.mirror.co.uk-ը։.
Կինը, որը 8000 ֆունտ ստեռլինգ էր ծախսել «աշխարհի ամենամեծ շուրթերը» ունենալու համար, որոշել է վերափոխել իր այտոսկրերը՝ դրանք դարձնելով «աշխարհի ամենամեծը»։.
Անդրեա Իվանովան սկսեց իր կերպարանափոխությունը 2018 թվականին՝ վերափոխվելով Բրատց տիկնիկի։ Դրան հասնելու համար նա ենթարկվել է ծնոտի վիրահատության և կզակի լցոնման ներարկումների։.
«Ես ուզում եմ ունենալ ոչ միայն աշխարհի ամենամեծ շուրթերը, այլև ամենամեծ այտոսկրերից մի քանիսը։ Ես արդեն չորս անգամ հիալուրոնաթթվի ներարկում եմ արել այտոսկրերիս մեջ, բայց շաբաթվա ընթացքում ևս երկուսը կանեմ», - բացատրեց կինը։.
Անդրեան նաև նշել է, որ արդեն 34 շրթունքների ներարկում է արել և շարունակում է անել դրանք։ Այնուամենայնիվ, նա պնդում է, որ մի քանի կլինիկաներ հրաժարվում են իրեն լրացուցիչ շրթունքների լցոնիչներ ներարկել, քանի որ դրանք չափազանց մեծ են, և որ լրացուցիչ ներարկումները կարող են առողջական բարդություններ առաջացնել։ Բժիշկները նախկինում նրան զգուշացրել էին ուշադրություն դարձնել բերանի խոռոչի ցանկացած ցավի, քանի որ ապագա միջամտությունները կարող են մահացու լինել։.
Անդրեա Իվանովան մոտ 1600 ֆունտ ստեռլինգ է ծախսել այտոսկրերի վրա և հիացած է իր նոր տեսքով։ Նա խոստովանում է, որ հաճախ քննադատվում է իր արտաքինի համար, բայց դա իրեն չի անհանգստացնում։.
«Ես չեմ անհանգստանում մարդկանց մեկնաբանությունների համար, քանի որ ես ունեմ իմ սեփական ճաշակն ու գեղեցկության վերաբերյալ տեսակետները, որոնց խստորեն հետևում եմ։ Բոլորը պետք է բավարարեն իրենց՝ առանց վախենալու կամ ուրիշների կարծիքների համար մտահոգվելու, քանի որ կյանքի իմաստը երջանիկ լինելն է», - ասաց Անդրեա Իվանովան։.
