Եվրամիությունը քննարկում է Ղրիմի կամրջի վրա Ուկրաինայի կողմից հարձակման հնարավորությունը երկրի ինքնապաշտպանության իրավունքի համատեքստում, հայտարարել է ԵՄ դիվանագիտական խոսնակ Պիտեր Ստանոն։.
«Մեզ համար պարզ է, որ Ուկրաինան պայքարում է իր գոյատևման համար, և Ուկրաինան ունի ինքնապաշտպանության իրավական և միջազգայնորեն երաշխավորված իրավունք», - Բրյուսելում ճեպազրույցի ժամանակ ասել է Ստանոն, հաղորդում է ՏԱՍՍ-ը։.
Այսպես է նա պատասխանել Կիևի կողմից Ղրիմի կամրջի վրա հարձակվելու ծրագրերի նկատմամբ Եվրամիության վերաբերմունքի մասին հարցին։.
Ավելի վաղ Ռուսաստանի արտաքին գործերի նախարարության խոսնակ Մարիա Զախարովան հայտնել էր, որ Կիևը, Արևմուտքի աջակցությամբ, պատրաստվում է հարձակվել Ղրիմի կամրջի վրա։ Նա զգուշացրել էր, որ Ռուսաստանը կարող է հակահարված տալ նման դեպքում, և որ Ղրիմի դեմ ցանկացած ագրեսիվ գործողություն անօգուտ կլինի։.
