Եվրախորհրդարանը Եվրամիությունը հայտարարեց «ԼԳԲՏ ազատության գոտի», հաղորդում է BBC News-ը։.
Բանաձևն ընդունվել է ի պատասխան Լեհաստանի ԼԳԲՏ համայնքի նկատմամբ վարած քաղաքականության։ Վերջին տարիներին Լեհաստանի տեղական իշխանությունները իրենց անվանում են «ԼԳԲՏ գաղափարախոսությունից զերծ գոտիներ» և արգելում են միասեռ զույգերին երեխաներ որդեգրել։.
Փաստաթղթում նշվում է, որ Եվրոպական Միության կառավարման բոլոր մակարդակների իշխանությունները պետք է պաշտպանեն և խթանեն քաղաքացիների, այդ թվում՝ ԼԳԲՏ անձանց հավասարությունը և հիմնարար իրավունքները: Բանաձևի համաձայն՝ ԵՄ-ում ԼԳԲՏ անձինք կարող են ազատ ապրել և «հրապարակայնորեն դրսևորել իրենց սեռական կողմնորոշումը և գենդերային ինքնությունը՝ առանց անհանդուրժողականության, խտրականության կամ հետապնդման վախի»:.
Բանաձևին կողմ քվեարկեցին 492 Եվրախորհրդարանի անդամներ, դեմ՝ 141-ը, իսկ ձեռնպահ՝ 46-ը։.
Գերմանացի Եվրախորհրդարանի պատգամավոր Թերի Ռեյնկեն, որը բանաձևի հեղինակներից մեկն է, գովաբանեց «ճնշող մեծամասնությունը»։ Եվրահանձնաժողովի նախագահ Ուրսուլա ֆոն դեր Լեյենն արդեն աջակցել էր բանաձևին, նախքան այն հինգշաբթի օրը ներկայացվելը։.
Միասեռ հարաբերությունները Լեհաստանում օրինականորեն չեն ճանաչվում, և Լեհաստանի կառավարությունը նաև արգելում է միասեռ զույգերին երեխաներ որդեգրել: Նոր օրենքի համաձայն՝ իշխանությունները պարտավոր կլինեն ստուգել երեխա որդեգրելու համար որպես միայնակ ծնող դիմող յուրաքանչյուր անձի անձնական տվյալները: Եթե պարզվի, որ անձը դիմում է որպես միայնակ ծնող՝ միասեռ հարաբերությունների մեջ լինելով, նա կենթարկվի քրեական պատասխանատվության:.
