Եվրոպական հանձնաժողովը բարձրացրել է նոր կորոնավիրուսի (COVID-19) ռիսկի գնահատականը ԵՄ անդամ պետություններում, քանի որ ԵՄ-ում վարակի մակարդակի վատթարացման կանխատեսումներ կան։ Այս մասին հայտարարել է եվրահանձնակատար Ուրսուլա ֆոն դեր Լեյենը երկուշաբթի՝ մարտի 2-ին, Բրյուսելում կայացած մամուլի ասուլիսում։.
«Մեր գործակալությունը այսօր հայտարարեց, որ ռիսկը միջինից բարձրացվել է մինչև բարձր», - նրա խոսքերն է մեջբերում ՏԱՍՍ-ը։.
Ֆոն դեր Լեյենի խոսքով՝ Եվրամիությունը ձեռնարկում է բոլոր միջոցները COVID-2019-ի տարածումը կանխելու համար, սակայն եվրոպական երկրներում կորոնավիրուսի իրավիճակը կվատանա։.
Նա նաև ընդգծեց, որ Եվրահանձնաժողովը հիվանդության դեմ պայքարի համար հատկացրել է ավելի քան 230 միլիոն եվրո՝ հավելելով, որ Եվրահանձնաժողովն այժմ փնտրում է լրացուցիչ միջոցներ ներգրավելու հնարավորություններ։.
Նոր կորոնավիրուսի՝ COVID-2019-ի բռնկումը հայտնաբերվել է Չինաստանի Ուհան քաղաքում դեկտեմբերի վերջին։ Վարակը տարածվել է նաև այլ երկրներում, որոնցից ամենածանր դեպքերը գրանցվել են Իտալիայում, Հարավային Կորեայում և Իրանում։.
Մարտի 2-ի դրությամբ վերջին տվյալների համաձայն՝ կորոնավիրուսից մահացածների թիվը հասել է 3057-ի։ Ընդհանուր առմամբ, վարակվել է ավելի քան 89083 մարդ, իսկ 45163-ը ապաքինվել է։.
ԱՀԿ-ն զգուշացնում է, որ ստեղծված իրավիճակը կարող է լինել «միայն սառցաբեկորի գագաթը». կազմակերպության կանխատեսումների համաձայն՝ աշխարհի բնակչության մինչև 66%-ը կարող է վարակվել կորոնավիրուսով, եթե մեկ հիվանդը վարակի միայն երկու կամ երեք այլ մարդկանց։.
