Կանադայի արտաքին գործերի նախարար Մելանի Ժոլին հայտարարել է, որ Ռուսաստանի և Արևմուտքի միջև առկա լարվածությունից դուրս գալու միակ կենսունակ ճանապարհը Ռուսաստանի կողմից լարվածության սրման դադարեցումն ու երկխոսության համաձայնությունն է։.
«Եվրոպական պրավդա»-ի փոխանցմամբ, նա այս մասին ասել է Ուկրաինայի արտաքին գործերի նախարար Դմիտրո Կուլեբայի հետ համատեղ մամուլի ասուլիսում։.
Մելանի Ժոլին նշել է, որ Կանադան խորապես մտահոգված է Ռուսաստանի կողմից Ուկրաինայի հետ սահմաններին ուժերի կուտակմամբ և նրա անկայունացնող գործողություններով, և իր այցը Կանադայի համերաշխության դրսևորում է Ուկրաինայի հետ։.
«Կա միայն մեկ հնարավոր ուղի. Ռուսաստանը պետք է սկսի լարվածության թուլացումը և մասնակցի իմաստալից երկխոսությանը։ Ես այս հարցը բարձրացրել եմ այստեղ և գործընկերներիս հետ այլ հանդիպումների ժամանակ։.
«Մենք միասնական ենք Ուկրաինային մեր աջակցության հարցում։ Ուկրաինայի ցանկացած ներխուժում կունենա լուրջ հետևանքներ, այդ թվում՝ մեր դաշնակիցների կողմից շատ լուրջ, համակարգված պատժամիջոցներ», - ընդգծեց Մելանի Ժոլին։.
Նա հավելել է, որ Կանադան աշխատում է զսպման միջոցառումների վրա, այդ թվում՝ այնպիսի միջոցառումների, որոնք կբարձրացնեն Ուկրաինայի պաշտպանունակությունը, ինչպիսին է կանադական ուժերի UNIFIER առաքելությունը։.
Հիշեցնենք, որ Կանադայի արտաքին գործերի նախարար Մելանի Ժոլին իր առաջին այցն է կատարում Ուկրաինա: Այնուհետև նա կմեկնի Բրյուսել՝ հանդիպելու ՆԱՏՕ-ի գլխավոր քարտուղար Յենս Ստոլտենբերգի և ԵՄ գլխավոր դիվանագետ Ժոզեպ Բորելի հետ, ապա՝ Փարիզ:.
Ավելի վաղ Մելանի Ժոլին չէր բացառել Ուկրաինա զենք ուղարկելու հնարավորությունը Ռուսաստանի հետ սահմանին լարվածության ֆոնին։.
