Վաշինգտոնում տեղի ունեցող անկարգությունների ֆոնին հայտարարվել է պարետային ժամ և տեղակայվել է Ազգային գվարդիան (ԱՄՆ բանակի պահեստազոր): Այս մասին իր Twitter-ի էջում հայտարարել է Վաշինգտոնի քաղաքապետ Մյուրիել Բոուզերը:.
Պարետային ժամը ուժի մեջ կմնա մինչև հունիսի 1-ի առավոտյան ժամը 6:00-ն (Մոսկվայի ժամանակով ժամը 13:00-ն): Ազգային գվարդիան կաջակցի մայրաքաղաքի ոստիկանության վարչությանը:.
Ավելի վաղ հաղորդվել էր, որ Վաշինգտոնում ոստիկանությունը արցունքաբեր գազի տարաներ է կիրառել ցուցարարների վրա: Անկարգությունների մասնակիցները սկսել են ջրով շշեր նետել իրավապահ մարմինների աշխատակիցների վրա, ապա մոտեցել են պարեկախմբին: Արցունքաբեր գազի կիրառումից հետո ցուցարարները փախել են:.
ԱՄՆ տասնյակ քաղաքներ համակված են բողոքի ցույցերով և անկարգություններով՝ Մինեապոլիսում սևամորթ անվտանգության աշխատակից Ջորջ Ֆլոյդի մահից հետո, ով մահացավ դաժան ձերբակալությունից հետո: Ոստիկանական բռնության դեմ բողոքի ցույցեր են տեղի ունենում Լոս Անջելեսում, Սան Ֆրանցիսկոյում, Դենվերում, Նյու Յորքում, Ինդիանապոլիսում, Բոստոնում, Դետրոյթում և ԱՄՆ շատ այլ քաղաքներում, և նույնիսկ Կանադայի Տորոնտո քաղաքում:.
ԱՄՆ իշխանությունները հայտարարել են, որ ոստիկանության հետ ցանկացած բախում կամ իրավապահ մարմիններին ուղղված սպառնալիք համարվում է ներքին ահաբեկչության ակտ։ Նման բախումների ժամանակ կրակոցներ են արձակվել երկու ոստիկանի վրա, որոնցից մեկը մահացել է։.
