Ռուսաստանում սկսվել է COVID-19-ի դեմ աշխարհում առաջին պատվաստանյութի արտադրությունը, հայտնում է Ռուսաստանի առողջապահության նախարարության մամուլի ծառայությունը։.
«Սկսվել է Ռուսաստանի առողջապահության նախարարության Գամալեայի անվան համաճարակաբանության և մանրէաբանության ազգային հետազոտական կենտրոնի կողմից մշակված COVID-19 նոր կորոնավիրուսային վարակի դեմ պատվաստանյութի արտադրությունը», - հաղորդել է ՏԱՍՍ լրատվական գործակալությունը։ Ավելի վաղ Ռուսաստանի առողջապահության նախարար Միխայիլ Մուրաշկոն լրագրողներին հայտարարել էր, որ հինգ ամսվա ընթացքում մշակված ռուսական կորոնավիրուսի դեմ պատվաստանյութի առաջին խմբաքանակները կթողարկվեն երկու շաբաթվա ընթացքում։ Դրանք հիմնականում կբաշխվեն առողջապահության ոլորտի աշխատողներին։ COVID-19 պատվաստումը կլինի լիովին կամավոր։.
Նախարարը շեշտեց, որ այն հարթակը, որի վրա ստեղծվել է դեղամիջոցը, լավ ուսումնասիրված է։ Դրա հիման վրա մշակվել են նաև այլ պատվաստանյութեր։ Օգոստոսի 11-ին Ռուսաստանը դարձավ աշխարհում առաջին երկիրը, որը գրանցեց կորոնավիրուսի դեմ պատվաստանյութ՝ «Սպուտնիկ V» անվամբ։ Դեղամիջոցը մշակվել է Ռուսաստանի առողջապահության նախարարության «Գամալեա» համաճարակաբանության և մանրէաբանության ազգային հետազոտական կենտրոնի կողմից և հունիսին և հուլիսին անցել է կլինիկական փորձարկումներ։.
Գամալեա կենտրոնն այժմ պատրաստում է փաստաթղթերի փաթեթ՝ COVID-19 պատվաստանյութը երեխաների վրա փորձարկելու թույլտվություն ստանալու համար: Լիովին մշակված արձանագրությունը կարող է պատրաստ լինել երեքից հինգ ամսվա ընթացքում:.
