Պարող Դմիտրի Կրասիլովը (Պուխլյաշ), որը ճանաչում ձեռք բերեց ռուսական Little Big փանկ-ռեյվ խմբի «UNO» երգի տեսահոլովակում նկարահանվելուց հետո, նկարահանվել է նրանց նոր տեսահոլովակում: Մարտի 8-ին հրապարակված «Sex Machine» տեսահոլովակն արդեն հավաքել է կես միլիոնից ավելի դիտում, 89,000 «like» և 8,500-ից ավելի մեկնաբանություն:.
«Եվրատեսիլ 2020»-ում Ռուսաստանը պետք է ներկայացներ «Little Big»-ը իրենց «UNO» երգով, սակայն կորոնավիրուսի համավարակի պատճառով երգի մրցույթը հետաձգվեց մինչև 2021 թվականը։ Այնուհետև տեսահոլովակը դարձավ «Եվրատեսիլ» YouTube ալիքի ամենահայտնի տեսահոլովակը երաժշտական մրցույթի պատմության մեջ։.
Ավելի վաղ, Little Big խմբի նախկին երգչուհի Աննա Կաստելյանոսը մահացած էր հայտնաբերվել Սանկտ Պետերբուրգի իր բնակարանում: Նախնական տեղեկությունների համաձայն, 38-ամյա արտիստի մահը քրեական դրդապատճառներով չի եղել:.
