Լոնդոնի Թեյթ Մոդեռն արվեստի պատկերասրահում վանդալը վնասել է Պաբլո Պիկասոյի կտավը, հաղորդում է BBC-ն։.
Ըստ որոշ տեղեկությունների՝ 20 միլիոն ֆունտ ստեռլինգ (ավելի քան 26 միլիոն դոլար) գնահատված «Կնոջ կիսանդրին» կտրատվել է։ Ձերբակալված 20-ամյա Շաքիլ Մասին մտադիր է հերքել բոլոր մեղադրանքները։ Նրան մերժվել է գրավի դիմաց ազատ արձակելը։.
Թեյթ պատկերասրահը բացատրել է, որ նկարում պատկերված է Պիկասոյի սիրուհի Դորա Մաարը։ Այն նկարվել է Փարիզում 1944 թվականի մայիսին՝ նացիստական օկուպացիայի վերջին ամիսներին։.
2018 թվականի աշնանը Ռումինիայում հայտնաբերվեց Պիկասոյի «Հարլեկինի գլուխը»։ Նկարը գողացվել էր 2012 թվականին՝ Կլոդ Մոնեի, Պոլ Գոգենի և Անրի Մատիսի յոթ այլ աշխատանքների հետ միասին։ 2013 թվականին գողության հետ կապված ձերբակալվել էին Ռումինիայի երեք քաղաքացիներ։.
Պաբլո Պիկասոն իսպանացի և ֆրանսիացի նկարիչ, քանդակագործ, գրաֆիկական նկարիչ, բեմանկարիչ, կերամիկագործ և դիզայներ էր։ Նա կուբիզմի հիմնադիրն էր և իր կյանքի ընթացքում ստեղծել է մոտ 20,000 աշխատանք։.
