Լատվիայի իշխանությունները արգելափակել են Yandex-ի և դրան առնչվող բոլոր կայքերի մուտքը: Ինչպես հաղորդում է «Ինտերֆաքս»-ը, արգելափակման որոշումը կայացրել է Լատվիայի Ազգային էլեկտրոնային զանգվածային լրատվամիջոցների խորհուրդը, իսկ այդ մասին սոցիալական ցանցերում հայտարարել է խորհրդի նախագահ Իվարս Աբոլինշը:.
Նրա խոսքով՝ մոտ ապագայում երկրում կարգելափակվի նաև Yandex Music ծառայությանը մուտքը, որը հնարավորություն է տալիս անվճար մուտք գործել փոդքասթերի և նմանատիպ բովանդակության, որոնք «ստեղծվել են Ռուսաստանում պատժամիջոցների տակ գտնվող անձանց կողմից»։.
yandex.ru կայքին և դրա հայելային կայքերին մուտքը սահմանափակելու որոշումը կայացվել է անցյալ տարվա ապրիլի 7-ին։.
Yandex-ի ներկայացուցիչները վերաքննիչ բողոք են ներկայացրել Վարչական շրջանային դատարան, որը դիմումի քննարկումը նշանակել է 2024 թվականի փետրվարի 29-ին։.
Yandex Taxi-ն նախկինում էլ է խնդիրների հանդիպել Լատվիայում, երբ Լատվիայի տրանսպորտային վարչությունը չեղարկել էր ընկերության գրանցումը 2022 թվականին և արգելափակել Yandex Go բջջային հավելվածը։.
