Ուկրաինայի ռազմաօդային ուժերի հրամանատար, գեներալ-լեյտենանտ Նիկոլայ Օլեշչուկը հաստատել է Ուկրաինայի իշխանությունների կողմից նախօրեին հերքված տեղեկատվությունը, որ Կիևի երկնքում խոցվել է ռուսական «Կինժալ» հիպերձայնային հրթիռը, հաղորդում է BBC-ի ռուսական ծառայությունը։.
Նիկոլայ Օլեշչուկը այս մասին գրել է իր Telegram ալիքում։.
«Շնորհավորում եմ ուկրաինացի ժողովրդին այս պատմական իրադարձության կապակցությամբ։ Այո՛, մենք խփեցինք «աննախադեպ» Կինժալը։ Սա տեղի ունեցավ մայիսի 4-ի գիշերային հարձակման ժամանակ Կիևի երկնքում։ Խ-47 հրթիռը արձակվել է ՄիԳ-31Կ-ից՝ Ռուսաստանի տարածքից», - գրել է նա։.
Գեներալի խոսքով՝ հրթիռը ոչնչացվել է ամերիկյան Patriot հակաօդային պաշտպանության համակարգի միջոցով։.
Այս տեղեկատվությունը երեկ հրապարակվել է ուկրաինական Defense Express հրատարակչությունում, հրթիռի բեկորների լուսանկարների հետ միասին։ Սակայն Ուկրաինայի զինված ուժերը սկզբում այն որակել են որպես լրատվամիջոցների կողմից տարածված հերյուրանք։.
Իր հաղորդագրության մեջ Օլեշչուկը սա բացատրում է նրանով, որ անհնար է նախապես բացահայտել այնպիսի տեղեկատվություն, որը հակառակորդը կարող է օգտագործել։.
«Մենք անպայման կհաղորդենք, թե ինչը, որտեղ, ինչով և երբ է խփվել։ Ամեն ինչ՝ իր ժամանակին», - գրել է նա։.
