Ուկրաինայում կրած ռազմական տեխնիկայի կորուստները փոխհատուցելու համար Ռուսաստանը սկսել է զրահատեխնիկայի դուրսբերումը Բելառուսի ռազմական պահուստներից, ասվում է Մեծ Բրիտանիայի պաշտպանության նախարարության՝ Ուկրաինայում ստեղծված իրավիճակի վերաբերյալ զեկույցում։.
Վերջին շաբաթների ընթացքում Ռուսաստանը բելառուսական պահեստազորից ստացել է առնվազն հարյուր տանկ և հետևակի մարտական մեքենա։.
Մեծ Բրիտանիայի տվյալների համաձայն՝ հոկտեմբերի կեսերին Ուկրաինայում ռուսական զրահատեխնիկայի կորուստները միջինում կազմել են օրական ավելի քան 40 միավոր։ Այս կորուստները մեծացել են Ուկրաինայի զինված ուժերի կողմից մի քանի ճակատներում հակագրոհի պատճառով, հաղորդում է Meduza-ն։.
Ինչպես ընդգծում է Մեծ Բրիտանիայի պաշտպանության նախարարությունը, զրահատեխնիկան և հրետանային ստորաբաժանումները կենտրոնական տեղ են զբաղեցնում Ռուսաստանի ռազմական ռազմավարության մեջ։ Ներկայումս Ուկրաինայում գտնվող ռուսական զորքերը լուրջ դժվարությունների են բախվում՝ հաշվի առնելով մարտական տեխնիկայի զգալի կորուստները և հրետանային արկերի պակասը բավարար չափով փոխհատուցելու անկարողությունը։.
Ռուսաստանի պաշտպանության նախարարությունը դեռևս չի հայտնել Ուկրաինայի դեմ պատերազմում տեխնիկայի որևէ կորստի մասին։.
Մյուս կողմից, Oryx անկախ վերլուծական նախագծի տվյալները ցույց են տալիս, որ Ռուսաստանը Ուկրաինայում կորցրել է ավելի քան 7500 միավոր տեխնիկա։.
Մինչդեռ, ամերիկյան The Wall Street Journal թերթը հոկտեմբերի սկզբին հաղորդել էր, որ Ռուսաստանը Ուկրաինայում ավելի շատ տեխնիկա և զենք է թողել, քան պատերազմի ընթացքում Ուկրաինային փոխանցվել է որևէ արևմտյան երկրի կողմից։.
