Ավելի քան 200 ուկրաինացի զինծառայողներ ավարտել են ԱՄՆ-ից ստացված M777 հաուբիցների վրա վարժանքները, CNN-ի փոխանցմամբ՝ հայտնել է Պենտագոնի խոսնակ Ջոն Քիրբին։.
Քիրբիի խոսքով՝ Ուկրաինայի զինված ուժերի ևս 150 զինծառայողներ այս պահին անցնում են հաուբիցի հետ վարժանք։.
Պենտագոնի խոսնակը հավելել է, որ 15 ուկրաինացի զինծառայողներ ավարտել են Q-64 շարժական հակաօդային պաշտպանության ռադարային համակարգի կիրառման ուսուցումը։ Վաթսուն զինվորներ սովորել են շահագործել M-113 բանակային զրահափոխադրիչը, և ևս մոտ 50-ը ներկայումս անցնում են ուսուցում։.
Քիրբին ընդգծել է, որ ԱՄՆ զինծառայողները Ուկրաինայից դուրս գտնվող դիրքերում մարզում են ուկրաինացի զինվորների խմբեր։.
