Իսրայելի վարչապետ Բենիամին Նեթանյահուն հայտարարել է, որ Իսրայելի զորքերը հրաման են ստացել պատրաստվել մարտական գործողությունների Ռաֆահ քաղաքում, որը գտնվում է Եգիպտոսի հետ Գազայի հատվածի սահմանին։.
«Մեր հերոսական մարտիկներն այժմ կռվում են Խան Յունիսում, որը Համասի գլխավոր հենակետն է։ Մենք հրահանգել ենք Իսրայելի պաշտպանության բանակին պատրաստվել նաև Ռաֆահում կռվելու», - Նեթանյահուի խոսքերն է մեջբերում ՏԱՍՍ-ը։ Նա ընդգծել է, որ նրանք պետք է պատրաստ լինեն նաև երկու հիմնական փախստականների ճամբարներում՝ «Համասի վերջին հենակետերում» կռվելու համար։.
Նեթանյահուն պարզաբանեց, որ իսրայելական բանակը թույլ կտա բնակչությանը անվտանգ լքել մարտական գոտին։ Նա ընդգծեց, որ Իսրայելի պաշտպանության բանակը կգործի միջազգային իրավունքի համաձայն։.
Ավելի վաղ ՄԱԿ-ի գլխավոր քարտուղար Անտոնիո Գուտերեշը հայտարարել էր, որ Գազայի հատվածում Իսրայելի կողմից գործողություններ իրականացնելու մեթոդները բարդացնում են բնակչությանը մարդասիրական օգնության բաշխումը, հաղորդում է RT-ն։ Նա ընդգծել է, որ շատերը Գազայում մարդասիրական գործողության արդյունավետությունը չափում են Կարմիր մահիկի և ՄԱԿ-ի բեռնատարների քանակով։.
