Ավստրիան չորս ռուս դիվանագետների հայտարարել է անցանկալի անձ և հրամայել է նրանց լքել երկիրը մինչև փետրվարի 9-ը, հինգշաբթի՝ փետրվարի 2-ին, հայտնել է Ավստրիայի արտաքին գործերի նախարարության մամուլի ծառայությունը։ Արտաքսվածներից երկուսը Վիեննայում Ռուսաստանի դեսպանատան դիվանագետներ են, իսկ մյուս երկուսը՝ Ավստրիայում ՄԱԿ-ի գործակալություններից մեկի առաքելության աշխատակիցներ։.
Ավստրիայի արտաքին գործերի նախարարությունը երկու դիվանագետների մեղադրել է «դիվանագիտական կարգավիճակի հետ անհամատեղելի գործողությունների» մեջ, իսկ ՄԱԿ-ի գործակալությունում Ռուսաստանի առաքելության երկու աշխատակիցների՝ «շտաբ-բնակարանի մասին համաձայնագրի հետ անհամատեղելի գործողությունների» մեջ։.
Վերջին անգամ Ավստրիան ռուսական դեսպանատների աշխատակիցներին արտաքսել է 2022 թվականի ապրիլին, երբ Ռուսաստան են ուղարկվել Վիեննայի դեսպանատան երեք աշխատակից և Զալցբուրգի գլխավոր հյուպատոսության մեկ դիվանագետ։ Ռուսաստանի արտաքին գործերի նախարարությունը նույն կերպ է արձագանքել՝ արտաքսելով Ավստրիայի դեսպանատան չորս աշխատակցի։.
Ավստրիայի նախագահի այցը Կիև
Նախորդ օրը Ավստրիայի նախագահ Ալեքսանդր Վան դեր Բելենը այցելել էր Կիև, որտեղ հանդիպել էր իր ուկրաինացի գործընկեր Վլադիմիր Զելենսկիի հետ։ Վան դեր Բելենը հայտարարել էր, որ Ավստրիան ռազմական առումով չեզոք երկիր է, բայց ոչ իր արժեքներով։ Նա պատրաստակամություն էր հայտնել տարբեր ձևերով աջակցել ուկրաինացի ժողովրդին։.
