სარაკეტო დარტყმების ინტენსივობა შესაძლოა რუსეთის შეიარაღებული ძალების ქვედანაყოფების უკან დახევის დაფარვას უკავშირდებოდეს.
ბელორუსის ტერიტორიიდან უკრაინის ქალაქების მიმართულებით სულ მცირე 20 რაკეტა გაუშვეს.
ამის შესახებ ბელორუსული Telegram-ის არხმა განაცხადა.
„დღეს საღამოს ჩვენმა მონიტორინგის ჯგუფმა ბელარუსის მოზირისა და ხოინიკის რაიონებში რაკეტების დიდი რაოდენობით გაშვება (20-ზე მეტი) დააფიქსირა. გაშვებები ათობით სანდო წყარომ დაადასტურა“, - ნათქვამია განცხადებაში.
2 აპრილის 00:00 საათის მონაცემებით, აქტივისტებს არცერთი გაშვება არ დაუფიქსირებიათ.
აქტივისტები აცხადებენ, რომ უკრაინის წინააღმდეგ ტაქტიკური სარაკეტო სისტემები გამოიყენება. ხოინიკის რაიონიდან თერთმეტი გაშვება დაფიქსირდა, ხოლო მოზირის რაიონიდან - 34.
სარაკეტო დარტყმების ინტენსივობა შესაძლოა რუსეთის შეიარაღებული ძალების ქვედანაყოფების უკან დახევის დაფარვას უკავშირდებოდეს.
მოზირის რეგიონში აქტივისტებმა განსაკუთრებით ინტენსიური სარაკეტო დარტყმა დააფიქსირეს.
მოზირის რაიონის სოფელ დროზდის მახლობლად აქტივისტებმა რუსების მიერ დამონტაჟებული რადარის სადგური აღმოაჩინეს.
დღის განმავლობაში ბელარუსებმა რუსული ტექნიკის გადაადგილება დააფიქსირეს, კერძოდ, პოლონეთის საზღვარზე და მინსკიდან სლუცკში - მე-15 საზენიტო-სარაკეტო ბრიგადის ქვედანაყოფის საჰაერო თავდაცვის ტექნიკის დიდი კოლონა.
ანგარიშში ნათქვამია, რომ უახლესი გადაადგილებები შესაძლოა ბელგოროდზე სარაკეტო დარტყმებს უკავშირდებოდეს.
ცოტა ხნის წინ, უკრაინის შეიარაღებული ძალების გენერალურმა შტაბმა დაადასტურა რუსული ჯარების კიევისა და ჩერნიგოვის მიმართულებებიდან გაყვანა, თუმცა სარდლობა აღნიშნავს, რომ მტრის ასეთი მანევრები, სავარაუდოდ, გადაჯგუფების მტკიცებულებაა.
დონბასის მიმართულებით ჯარის ნაწილი გაიგზავნა. ითვლება, რომ პუტინი აღმოსავლეთის ოკუპაციას შეეცდება და გაერთიანებული ძალების ოპერაციის ზონაში უკრაინულ ძალებს ალყაში მოაქცევს.
